Адзін з прыярытэтных напрамкаў дзейнасці РГА «Белая Русь» - праца з насельніцтвам па месцы жыхарства. Цэнтрамі гэтай працы і своеасаблівымі пляцоўкамі грамадскага дыялогу з'яўляюцца грамадскія прыёмныя. На сённяшні дзень ва ўсіх рэгіёнах краіны пастаянна дзейнічаюць 25 грамадскіх прыёмных РГА "Белая Русь".

У грамадскіх прыёмных "Белай Русі" праводзіцца асабісты прыём грамадзян. Мэта гэтай работы - падказаць алгарытм вырашэння пытанняў, даць аргументаваныя тлумачэнні аб палітыцы дзяржавы ў розных сферах дзейнасці грамадства і садзейнічаць прасоўванню грамадска-значных ініцыятыў. На аснове аналізу зваротаў праводзіцца маніторынг грамадскай думкі па важнейшых пытаннях развіцця краіны. Таксама падчас электаральных кампаній на базе грамадскіх прыёмных "Белай Русі" ствараюцца выбарчыя штабы кандыдатаў у дэпутаты, якія падтрымліваюцца аб'яднаннем.